|
Bee Happy! Like Jollibee. [pagbabago]
Sunday, December 11, 2011 @ 1:45 AM
"Anong kulay ni Jollibee?"
M: "Red"
N: "Orange"
[uulit ng mga sampung beses mahigit]
M: "Ha? Color blind ka ba? Red kaya si Jollibee."
N: "Ano ka ba, kakulay ni Jollibee yung spaghetti, orange!"
M: "Hala, saan ka naman nakakita ng spaghetti na orange? RED KASI SIYA."
*makalipas ang ilang minutong pagtatalo sa kulay RED at ORANGE*
G: "Hay nako, Kentucky na lang kayong dalawa, PUTI, para walang away. Lahat ng kulay, naandun sa puti. Okay na kayo?"
N&M: "HINDI! RED/ORANGE KASI SI JOLLIBEE!"
*tawa ang lahat*
M: "Di talaga eh, Red siya. Gusto mo punta pa tayong Jollibee ngayon para lang mapatunayang RED siya?"
N: "Sige, tara!"
M: "Ngayon?"
N: "Ayoko, katamad. Basta orange si Jollibee."
M: "RED! PULA! Ano ka ba naman!"
*Patuloy na magtatalo ang dalawa habang tumawa hanggang sa kailangan nang umalis ni N*
M: "Basta, Red si Jollibee, oh! Hand hug muna!"
N: "Orange nga eh. Kulit mo din. Sandali, Ano yung hand hug?"
-naghand hug-
N: "Ang labo mo! *tawa* ORANGE PA DIN SI JOLLIBEE! Sige, alis na ako. *ngiti sabay alis*"
Si M ay naiwang nakangiti at tuwang-tuwa.
Ganyan nagsimula ang lahat, kay Jollibee. Nang nangyari itong kaguluhan, naisip kong magtanong sa mga tao kung ano nga bang tunay na kulay ng bubuyog na ito. Sabi ng aking Ina, orange daw. Sabi ng aking mga kapatid na nakababata, Red. Nang itanong ko naman sa mga orgmates kong nakakatanda, iba-iba ang kanilang naging sagot. Yung iba na kasing tanda ko, red ang sagot. Yung mga medyo nakakatanda na sa akin, hati, orange o di kaya'y red orange. HAAAY. Kawindang nga naman itong buhay.
Sa huli ay tinanong ko ang aking ama. Siya lang ang tanging nakapagbigay ng malinaw na sagot.
"Si Jollibee? Orange siya dati tapos ngayon pula na. Nag-iba siya sa paglipas ng panahon, depende sa kung anong nakakahalina sa mga tao. Syempre, negosyo yun, kailangan nilang bumenta para magkaroon ng pera. Kaya para bumenta, kailangan din nilang alamin at sumunod sa kulay na magugustuhan ng mga tao."
May punto ang aking ama, ang galing! Naalala ko tuloy bigla yung stuffed toy kong Jollibee nung mga 6 or 7 ako. Orange nga ata siya! [O baka red orange, basta may orange. HAHA!] Kaya sa pagdaan namin ng mga kalsada ng araw ding yun, may mga iilang Jollibee na branches kaming nadaanan at napansin ko ngang tunay na nag-iba nga ng kulay ang bubuyog. Pula na si Jollibee! Ang galing. Nakakaaliw.
Totoo ngang sa paglipas ng panahon, nagbabago nga ang mga bagay o tao. May iba't-ibang rason kung bakit nangyayari ang pagbabago pero di natin maikakaila ang katotohanang ito.
Pagbabago. Pagpapalit. Ano nga bang mga bagay ang kalakip nito? ~~~~
Masaya ako at naungat ang malabo pero makabuluhang diskusyon na ito, kahit nung una simpleng gaguhan lang siya. Talagang "there are more to things than meets the eye!"
Dahil kay Jollibee at sa di maunawaang kulay niya, nagkausap ang dalawang di magkakilalang indibidual. Salamat kay Jollibee at nagkaroon ng pagkakataon mangyari ang isang di mawari o inaasahang kaganapan.
Sa pamamagitan ni Jollibee ay naungkat ang ideya ng pagbabago sa aking kamalayan.
[part I]
~~~
 |
| May 2010 [camera namin] |
 |
| Late 80's or Early 90's [galing internet] |
|
